वैद्यकीय महाविद्यालयातील व्यायामशाळेचे पालकमंत्री संजय शिरसाट यांच्या हस्ते लोकार्पण
छत्रपती संभाजीनगर, दि.५ – शासकीय वैद्यकीय महाविद्यालयातील विद्यार्थ्यांसाठी तयार करण्यात आलेल्या अत्याधुनिक व्यायामशाळेचे आज पालकमंत्री संजय शिरसाट यांच्या हस्ते लोकार्पण करण्यात आले.
“शासकीय वैद्यकीय महाविद्यालयातील विद्यार्थी, डॉक्टर्स हे अहोरात्र रुग्णांना वैद्यकीय सेवा देतात. हे काम करत असताना डॉक्टर आणि कर्मचाऱ्यांनी स्वतःच्या आरोग्याची देखभाल करणे आवश्यक आहे. त्यासाठी व्यायामशाळा त्यांना उपयुक्त ठरेल, त्याचा त्यांनी लाभ घ्यावा”,
पालकमंत्री शिरसाट म्हणाले की, “येथे योगा आणि जिम सुविधा उपलब्ध करून देण्यात आली आहे. या रुग्णालयात आलेला रुग्ण चांगले उपचार घेऊन दुरुस्त होऊन घरी जावा. त्यासाठी आपण त्यांना सेवा देतो. हे करत असतांना आपले शारिरीक व मानसिक आरोग्य उत्तम असणे आवश्यक आहे”. पालकमंत्री शिरसाट
शासकीय वैद्यकीय महाविद्यालयाच्या या व्यायामशाळेत २२ व्यायामाची साधने लावलेले आहेत. वॉकिंग ट्रॅक, इनडोअर गेम साठी हॉल असून योगासने आदींसाठीही सुविधा उपलब्ध करण्यात आली आहे.
महाविद्यालयाचे अधिष्ठाता डॉ. शिवाजी सुक्रे, डॉ. अरविंद गायकवाड, सार्वजनिक बांधकाम विभागाचे कार्यकारी अभियंता अशोक येरेकर तसेच नंदकुमार घोडेले, जिमखाना समन्वक मिर्जा सिराज बेग, विद्यार्थी समन्वक आकांक्षा सिंग, हर्षदा शिरसाठ तसेच महाविद्यालयाचे विद्यार्थी, डॉक्टर, कर्मचारी उपस्थित अशी माहिती अधिष्ठाता डॉ. सुक्रे यांनी यावेळी दिली.
