“ذا روك” يدعم صديقه “ستانلي توتشي” في ليلة تاريخية.. والشرطة تنهي الحفلة بـ “مخالفة”!

بقلم/ نور جمال

احتفل النجم ستانلي توتشي (Stanley Tucci)، أيقونة الأناقة والتمثيل، بحصوله على نجمة ممر المشاهير في هوليوود (Hollywood Walk of Fame). التكريم ده مش مجرد “بلاطة” في الشارع، ده اعتراف بمسيرة فنية استمرت أكتر من 40 سنة، قدم فيها أدواراً لا تُنسى في أفلام زي The Devil Wears Prada و The Hunger Games.
وكان في مقدمة الحضور صديقه المقرب دوين جونسون (The Rock)، اللي ألقى كلمة مؤثرة عن “توتشي”، واصفاً إياه بأنه “واحد من ألطف وأذكى القلوب في هوليوود”. يذكر إن الصداقة دي بدأت تظهر للعلن بوضوح لما اشتغلوا مع بعض في أعمال سينمائية، ودائماً ما يتبادلون المزاح والدعم على السوشيال ميديا.

تعدد المواهب: هو مش بس ممثل، ده كمان مخرج وكاتب، ومؤخراً بقى “ملك الطبخ” ببرنامجه الشهير عن الأكل الإيطالي.
التميز الفني: ترشح لجوائز الأوسكار وفاز بجوائز إيمي وجولدن جلوب، وقدر يثبت إنه يقدر يعمل دور الكوميدي، الشرير، والدرامي بنفس الكفاءة.

النهاية اللي مكنتش على البال!
بعد ما “دوين جونسون” قام بالواجب وظهر بكامل أناقته (بقميص مكوي ومنظر يليق بالسجادة الحمراء)، ركب عربته الفارهة وهو حاسس بالفخر بصديقه. لكن يبدو إن “هيبة” ذا روك مجتش سكة مع شرطة لوس أنجلوس!
الظابط وقف العربية بسبب تظليل الزجاج (Tinted Windows) اللي كان غامق جداً ومخالف للقانون. ورغم إن “ذا روك” ممكن يرفع العربية بإيد واحدة، إلا إنه اتعامل بمنتهى الهدوء والامتثال للنظام.

في النهايه حتى لو كنت “نجم عالمى” وعضلاتك ماليه الكادر، وعندك طيارة خاصة وصديقك لسه واخد نجمة في هوليوود.. قانون المرور في الآخر بيمسي على الكل، ومفيش “واسطة” لو الفيميه بتاعك زيادة شوية! شكل “دوين جونسون” نسي إن عضلاته دي لوحدها محتاجة تصريح أمن عام!