إليسا وقعت في باريس وكسرت رجليها

بقلم / رقيه محمد

إليسا نشرت منشور على “إكس” وكشفت إن في مشكلة في قدمها، وعلى طول جمهورها قلق عليها وبدأ يسأل إيه اللي حصل

مصادر خاصة كشفت إن إليسا وقعت في باريس وأصابت قدمها اليمنى بكسر، واضطرت تاخد علاج على طول.

الدكاترة قالولها لازم تلبس جهاز تثبيت طبي لمدة أسابيع لحد ما تتعافى تماماً.

هي نفسها طمنت الجمهور من جوه مكتبها وقالت:”رجلي ممكن تكون في استراحة.. بس أنا لأ! هرجع أسرع مما بتتوقعوا”

إليسا بعتت الصورة من مكاتب شركتها E-Records اللي أسستها سنة 2022 في بيروت، وبتنتج فيها أعمالها وبتدعم المواهب الجديدة في المنطقة، وأكدت إنها لسه شغالة على ألبومها الجديد رغم الإصابة.

المنشور لاقى تفاعل ضخم من المتابعين اللي انهالوا عليها بالتعليقات وتمنوا لها الشفاء العاجل. وزي ما دايمًا، إليسا عرفت تحول صورة بسيطة من مكتبها لـ حديث اليوم على السوشيال ميديا.