سعد لمجرد في المحكمة تاني مرة

بقلم/ رقيه محمد

القضاء الفرنسي فتح ملف جديد ضد سعد لمجرد، واتهمه باغتصاب بيرجع لسنة 2018، والمحاكمة دلوقتي شغالة في مدينة دراغينيان في جنوب فرنسا.

المدعية كانت شغالة نادلة في ملهى ليلي، وقالت إنها راحت معاه للفندق وهو اغتصبها جوه أوضته. وصاحبتها قالت للتحقيق إنها لقيتها في حالة صدمة وشفايفها منتفخة.

سعد بينكر كل حاجة، وبيقول إن اللي حصل كان برضا الاتنين، وماشي على نفس الموقف ده قدام المحكمة.

المحكمة هتصدر حكمها يوم الجمعة 15 مايو، والجلسات اتعقدت بشكل مغلق بناءً على طلب المدعية.

سعد اتواجه باتهامات مشابهة قبل كده، في المغرب سنة 2015 وفي أمريكا سنة 2010، يعني القضايا دي مش جديدة عليه.

على الرغم من كل ده، سعد لسه موجود علي القوائم، وأغنية “قلي متى” وصلت للمركز الأول وفضلت 123 أسبوع في القائمة