بقلم / منى فارس
المخرج الكبير ريدلي سكوت جاهز يرجع للسينما بفيلم جديد اسمه The Dog Stars، والفيلم هينزل في مصر وفي كل العالم يوم 27 أغسطس الجاي
الفيلم مش زي أفلام الكوارث العادية اللي احنا متعودين عليها، ريدلي سكوت نفسه بيقول إنه بعيد عن المشاهد الضخمة والمؤثرات البصرية، وبيركز أكتر على البشر وعلاقاتهم وسط عالم اتدمر بسبب وباء قاتل.
وقال صراحة: “أنا عايز أعمل فيلم بيتكلم عن الناس الأول، مش عن الكارثة نفسها.. أحياناً لحظة صغيرة بين شخصين بتأثر أكتر من أي مشهد أكشن ” .
اللي بيلفت النظر إن الفيلم اتصوّر في 34 يوم بس، وده وصفه ريدلي سكوت بأنه زي إيقاع التلفزيون السريع، لكنه قال إن الأسلوب ده خلى الممثلين أكتر تركيزاً وبدت مشاهدهم حقيقية وطبيعية.
بيلعب في الفيلم كل من:- جاكوب إلوردي- جوش برولين- مارجريت كوالي والفيلم مأخوذ عن رواية بنفس الاسم للكاتب بيتر هيلر، وهي رواية اتكلمت عن العزلة والبقاء وأخدت إشادة كبيرة.الإنتاج من 20th Century Studios وScott Free Productions، والتوزيع عن طريق United Motion Pictures.
