بقلم/ منى فارس
المطربة نهى فكري عندها حفل غنائي مميز الشهر ده، يوم 22 مايو الساعة 7 بالليل على مسرح ساقية الصاوى في قاعة الحكمة.
الحفل هيكون من خلال مشروعها الموسيقي المميز “نهى فكري كوارتيت”، اللي بيجمع بين أكتر من أسلوب موسيقي في آن واحد.
بتغني بـ5 لغات!
نهى مش مطربة عادية، هي بتغني بـالعربي والإنجليزي والفرنساوي والإيطالي والإسباني، وأسلوبها الغنائي بيتنقل بسلاسة بين الجاز والبوب والجاز العربي .
وفي لقاء سابق ، قالت إنها بتسمع لأم كلثوم وعبد المطلب والأوبرا والموسيقى الهندية، وإنها بتفضل دايماً الغناء في الأماكن المفتوحة القريبة من الطبيعة.
وأكدت إن الموسيقى مش رفاهية وقالت: “بنسمع موسيقى وإحنا بنذاكر، وبنسمعها في المشوار، وفي أوقات الفراغ.. الأمم بتزدهر بالثقافة والفنون.”
مسيرتها باختصار
نهى فكري راحت بعيد في مشوارها الفني، من أبرز محطاتها:- غنت مع الموسيقار اللبناني الكبير زياد رحباني في مهرجان القاهرة للجاز- شاركت في مهرجان عمان الدولي الموسيقي- أصدرت ألبومها الأول “حوار” مع عازف البيانو رامي عطالله- أطلقت مشروع فرقتها الجديدة “جنان”- وبتستعد دلوقتي لإطلاق ألبومها الثاني قريباً
