بقلم / مني فارس
النجم العالمي دواين جونسون، الشهير بـ “ذا روك”، بيحتفل النهارده السبت 2 مايو بعيد ميلاده الـ 53، وهو الرجل اللي حوّل نفسه من لاعب كرة قدم أمريكية فاشل إلى واحد من أشهر وأغنى نجوم هوليوود في التاريخ. خلينا نحكيلك حاجات كتير ناس مش عارفاها عنه
1. حلمه الأصلي مكنش المصارعة ذا روك نشأ في عيلة كلها مصارعين، بس هو كان شايف نفسه في ملاعب كرة القدم الأمريكية مش في الحلبة. قوته الجسمانية كانت في رأيه هتوصله بعيد في الرياضة دي.
2. إصابة غيّرت مساره للأبد مثّل فريق جامعة ميامي لفترة، بس إصابة واحدة كانت كفيلة إنها تكسر حلمه وتخليه يسيب الملاعب تماماً. في اللحظة دي قرر يجرب حظه في عالم تاني خالص.
3. بداية المصارعة.. بالاسم الغلط! دخل عالم WWE سنة 1996 باسم Rocky Maivia ، مش ذا روك. وفي السنة اللي بعدها، مفاجأش الكل وفاز على المصارع الأسطوري **Tripl H في بطولة WWF للقارات.
4. أول أفلامه.. والأجر اللي صدم الجميع ظهر لأول مرة على الشاشة الكبيرة في فيلم The Mummy Returns سنة 2001، ونجاحه كان كبير لدرجة إنهم في السنة اللي بعدها عملوله فيلم خاص بيه هو The Scorpion King، واتقال وقتها إن أجره وصل لـ 5.5 مليون دولار مقابل الدور ده بس!
5. فكّر جدياً في الرئاسة الأمريكيةفي حوار مع مجلةUS Weekly، صرّح ذا روك إنه مش بعيد عن فكرة الترشح لرئاسة أمريكا، وقال إنه هيفكر فيها بجدية لو ده هو اللي الأمريكيين عايزينه.
6. زواجه الأول.. وطلاق من غير ضغينة اتجوز سنة 1997 من المنتجة داني جارسيا ، وأنجبوا ببنتهم سيمون سنة 2001. بعد كده اتفقوا على الانفصال بشكل ودّي سنة 2007 بعد زواج دام 10 سنين، وفضلوا أصحاب لحد دلوقتي.
7. حياة جديدة وعيلة جديدة بعد انفصاله بدأ علاقة مع المغنية لورين هاشيان ، واتجوزوا وأنجبوا ببنتهم الأولى في ديسمبر 2015 ، والتانية في أبريل 2018.
كل سنة وذا روك بخير.. الراجل اللي إصابة واحدة كان ممكن تمحيه من الملاعب، بنى بعدها إمبراطورية ما بين الحلبة وهوليوود!
