بقلم / منى فارس
قبل ما تنزل على المسرح بساعات، وقفت شاكيرا على شرفة غرفة فندقها في ريو دي جانيرو وشافت مشهداً ما كانتش متوقعاه، آلاف المعجبين تجمعوا تحتها على شاطئ كوباكابانا بس عشان يلقوا عليها التحية.الفيديو انتشر بشكل جنوني على السوشيال ميديا، وظهرت فيه شاكيرا بتحيي “البحر البشري” اللي كان واقف تحتيها، في مشهد صعب تصدقه.
“كنت دايماً بحلم بيه”
شاكيرا اللي بتقوم دلوقتي بجولتها العالمية “النساء لا يبكين”، قالت في مقابلة تلفزيونية باللغة البرتغالية، اللي اتعلمتها حتى قبل الإنجليزية، إن الحفل ده بالنسبالها حلم حقيقي، وإنها كانت دايماً عايزة تغني على الشاطئ ده لأنه في نظرها مكان ساحر.
وتوقعت إن الحفل ده يبقى الأكبر في تاريخ مسيرتها الفنية كلها.
مليون دولار في الهوا..
بس بالمليون مرةالمسؤولون البرازيليون توقعوا إن الحفل يجذب مليوني شخص لكوباكابانا، وده مش بس رقم ضخم، ده كمان رقم بيعني فلوس كتير جداً. دراسة أجرتها بلدية ريو قدّرت إن عرض شاكيرا ممكن يجيب للمدينة حوالي 155 مليون دولار من السياحة والإنفاق في المطاعم والفنادق والمحلات.
تقليد جديد على كوباكابانا
الحفل ده مش الأول من نوعه على الشاطئ الشهير، قبله مادونا عام 2024 وليدي غاغا العام اللي فات عملوا نفس الشيء وجمعوا حشود ضخمة. والفكرة كلها جزء من خطة بلدية ريو لتنشيط الاقتصاد في الفترة اللي بين الكرنفال واحتفالات يونيو.
