بقلم/ نور جمال
في ٢٠ فبراير ٢٠٢٦، فجّرت أليكساندرا داداريو خبراً صادماً حين أعلنت انفصالها عن زوجها المنتج أندرو فورم بعد ٣ سنين من الزواج. ما يزيد المشهد تعقيداً إن الزوجين عندهم طفل عمره ١٥ شهراً فقط، وأليكساندرا كانت قبل كده اتكلمت بصراحة عن رحلتها الطويلة للأمومة وعن إجهاض سابق مؤلم.
ومش بس كده، أليكساندرا اتحولت كمان لزوجة أب لأبنيّ أندرو من زواجه السابق بالممثلة جوردانا برويستر، روان ٩ سنين وجوليان ١٢ سنة. يعني إدارة عيلة ممتدة بالشكل ده، في ظل أزمة عاطفية، كان تحدياً ضخماً بكل المقاييس.
البيان الرسمي جاء هادئاً ومتحضراً: “القرار اتخذ بمحبة واحترام، وهيكملوا تربية ابنهم مع بعض ويطلبوا الخصوصية خلال هذه المرحلة.”
لكن الجمهور كان ليه رأي تاني، خصوصاً بعد إن أليكساندرا اتصوّرت في مطار هيثرو بلندن مع راجل مجهول الهوية، مما أشعل التكهنات فوراً إن في قصة جديدة بدأت.هوية الراجل لحد دلوقتي مجهولة تماماً، والإنترنت شغّال نفسه بوليس خاص لمعرفة مين هو!
على الصعيد المهني، أليكساندرا مش واقفة خالص وعندها مشاريع ضخمة جاية، منها فيلم Couples Weekend اللي اتعرض في ٨ مايو الجاري، وكمان الموسم التالت من مسلسل Mayfair Witches، إضافة لفيلم Hershey البيوغرافي. يعني الستات دايماً بتقدر تتعافي وتبص قدامها وتطور من نفسها رغم اى ظروف صعبه.
