بقلم/ منى فارس
برنامج Mic Flex رجع تاني، بس المرة دي بشكل مختلف خالص عن المواسم اللي فاتت. الموسم الجديد هيجمع 16 رابر مع بعض في 4 حلقات، كل واحد فيهم هياخد فرصته على المايك ويتنافس أمام الجمهور مباشرة، لأن الجمهور هو اللي بيحدد مين الأقوى.
أهم حاجة في الموسم ده إنه هيضم وجوه جديدة عالبرنامج لأول مرة، منهم: أبو الأنوار، وموسكو، وأرسينك، وسيف Kix، ومحمود حسين، ونادر سينس، وعمر WAM، وخالد روسيا، وفليكس، ومارد، وعبعزيز، وبيجاد، وزوكش.
أبو الأنوار في مزيكا صالونات
قبل كده، أبو الأنوار كان ضيف على الحلقة 12 من الموسم السادس لبرنامج مزيكا صالونات، جنب المنتج الموسيقي Baset. الحلقة كانت تجربة مختلفة، حيث اشتغل الاتنين على تراك موسيقي كامل في 8 ساعات متواصلة، وخرجت الحلقة بأكتر من 40 دقيقة من الكواليس والعمل الحقيقي.
الحلقة 13 بعدها شافت تفاعل كبير من الجمهور، وضمت مطربي المهرجانات شندي ورحال مع الموزع دولسيكا، واللي نجحوا مع بعض في تقديم أغنية “ولع”.
