मनसेचे अनिकेत निल्लावार यांचा असंख्य कार्यकर्त्यांसह राष्ट्रवादी काँग्रेस मध्ये प्रवेश

छत्रपती संभाजीनगर : महाराष्ट्र नवनिर्माण सेनेचे जिल्हा सहसचिव अनिकेत निल्लावार यांनी महाराष्ट्र नवनिर्माण सेनेला सोडचिट्ठी देत आपल्या असंख्य कार्यकर्त्यांसहा राष्ट्रवादी काँग्रेस मध्ये प्रवेश केला. राज्याचे उपमुख्यमंत्री अजितदादा पवार यांच्या नेतृत्वावर विश्वास ठेवत आमदार सतीश चव्हाण  यांच्या मार्गदर्शनात त्यांनी राष्ट्रवादी काँग्रेस मध्ये प्रवेश केला. यावेळी शहराध्यक्ष अभिजित देशमुख, दिलीप चव्हाण, माजी नगरसेविका अंकिता विधाते, अनिल विधाते, नागेश भालेराव यांची उपस्थिती होती. त्यांच्या प्रवेशाने महाराष्ट्र नवनिर्माण सेनेला मोठे खिंडार पडले आहे. त्यांच्या प्रवेशाने जिल्ह्यातील पक्ष संघटन आणखी मजबूत होईल असा विश्वास यावेळी राष्ट्रवादी काँग्रेस चे शहराध्यक्ष अभिजित देशमुख यांनी व्यक्त केला. पक्षाध्यक्ष तथा राज्याचे उपमुख्यमंत्री अजिदादा पवार यांच्या प्रमुख उपस्थितीत आगामी काळात आणखी समर्थकांचे जाहीर प्रवेश होईल असे अनिकेत निल्लावार यांनी स्पष्ट केले.