بقلم / منى فارس
اتكلم الناس كتير خلال الساعات اللي فاتت عن كواليس المسلسل التركي “تحت الأرض” (Yeraltı)، بعد ما انتشرت على السوشيال ميديا ادعاءات بيقولوا فيها إن التصوير وقف مؤقتاً بسبب رائحة شعر بطلة المسلسل ديفريم أوزكان.
إيه اللي اتقال؟
الادعاءات اللي دارت قالت إن في أثناء تصوير أحد المشاهد، الرائحة اللي كانت جاية من شعر ديفريم خلّت المخرج يتدخل ويوقف التصوير، وكمان اتكلموا عن إنها بتستخدم زيوت نباتية للعناية بشعرها كانت سبب المشكلة دي.
ديفريم ردت إزاي؟
ديفريم ماسكتتش.. وطلعت ببيان رسمي نفيت فيه كل اللي اتقال، وقالت بالحرف إن الكلام ده “لا أساس له من الصحة وإنه بيستهدفها شخصياً.وأضافت إن الموضوع مش جديد عليها، وإن في جهة معينة بتحاول تشوه سمعتها من سنين بطريقة ممنهجة، وإن الهدف الوحيد من الكلام ده هو “التفاعل والكليكات” مش الحقيقة.
وقالت بوضوح: “كل قرش بتكسبوه من تعاسة ومعاناة الناس ده فلوس غير مشروعة أخلاقياً
والجاي إيه؟
ديفريم أعلنت صراحةً إنها هتاخد إجراءات قانونية ضد كل الأخبار الكاذبة دي، وأكدت إن صمتها قبل كده ماكانش قبول، لكن كان حفاظاً على كرامتها.. والمرحلة الجاية هتختلف.
