انطلق التصوير أحمد عز وستيفن هوبكنز بدايه رحلة “الأمير”

بعد أسبوع من اللهفة والانتظار بعد بوستر مسلسل “الأمير”، معالي المستشار تركي آل الشيخ رجع تاني وزاد الموضوع تشويق على تشويق!النهارده نشر صور وفيديوهات من أول يوم تصوير، وكلنا عارفين إن ده معناه إن الجد بدأ فعلاً.

الفيديوهات اللي اتشاركت أظهرت أحمد عز جوه موقع تصوير ضخم جداً، والفريق كله كان منشغل بتجهيز المعدات والكاميرات والإضاءة. الواضح إن العمل ده مش هيبقى عادي خالص.عز كان ظاهر عليه التركيز الشديد وهو بيتابع كل تفصيلة صغيرة قبل ما التصوير يبدأ. ده هو اللي احنا اتعودنا عليه منه!

المخرج العالمي ستيفن هوبكنز اتضح إنه واخد الموضوع بجدية كبيرة. اتظهر وهو بيدي توجيهات دقيقة للفريق وبيحدد زوايا التصوير بنفسه. الراجل ده شغله بيتكلم عن نفسه.

التصوير هيتم في أكتر من مكان. في الرياض، هيتصوروا في استوديوهات الحصن Big Time، اللي تُعتبر من أحدث وأضخم مرافق الإنتاج في المنطقة كلها، وبتشتغل على أعلى المعايير العالمية. وكمان في القاهرة في عدد من المواقع.

“الأمير” وُصف بإنه واحد من أضخم الإنتاجات الدرامية العربية، برعاية الهيئة العامة للترفيه، وإنتاج استوديوهات صِلة وMBC وMBC شاهد. السيناريو من كتابة صلاح الجهيني، وبيشارك في البطولة نخبة من نجوم العالم العربي والعالمي.انتظروا”الأمير” جاي