بقلم/ نور جمال
تريستان طومسون طليق كلو كاردشيان تقدم رسمياً للمحكمة بطلب وصاية قانونية محدودة على أخيه أماري (19 سنة)، اللي يعاني من إعاقة ذهنية وتأخر في النمو وغير قادر على رعاية نفسه أو إدارة شؤونه المالية.
إيه اللي وصّل لده؟
في يناير 2023، توفيت والدتهما أندريا فجأة بنوبة قلبية، وكانت هي المسؤولة الوحيدة عن رعاية أماري في كندا. تريستان حصل على الولاية القانونية عليه في فبراير 2024 بعد وفاة أمهما، لكن جدول مواعيده في NBA كان يجعله في ولاية مختلفة كل يوم تقريباً.
كلو دخلت الصورة.. من غير ما حد يطلب منها
كلو قررت إنها تبقى المسؤولة الأساسية عن أماري في لوس أنجلوس، وقالت على بودكاستها: “أماري عنده LGS، نوع صرع شديد جداً، مش قادر يمشي أو يتكلم، وعنده كذا نوبة في اليوم.” وأضافت: “تريستان في NBA وفي ولاية تانية كل يوم تقريباً، ده مش مناسب لأماري إنه يركب طيارة كل شوية. فأماري فضل عندي في لوس أنجلوس واخترت أنا إني أهتم بيه.”
ليه كلو بتعمل ده؟
كلو وضّحت: “علاقتي بأندريا مكانتش علشان تريستان. التزامي بيها ليهوش علاقة بتريستان. أماري يستحق حد يكون موجود ليه، يهتم بيه ويوفرله حياة كويسة.” وقالت إن هدفهم بسيط: “إحنا بس عايزين نوفرله أحسن وأجمل حياة ممكنة، وهو يستحق ده.”
الوصاية الجديدة.. خطوة قانونية
تقدم تريستان بطلب الوصاية القانونية المحدودة كخطوة رسمية لتنظيم الأمور، لكن الرعاية اليومية الفعلية ظلت على عاتق كلو وعائلة كاردشيان منذ 2023. أما والدهما فلم يكن له أي دور في حياة أماري منذ 2014، وقضت المحكمة بأن إعادة التواصل معه غير ممكنة.
كلو خُدعت أكثر من مرة.. لكنها اختارت إن قلبها يكون أكبر من كل الجروح.
