كاميرون دياز جميلة التسعينات و مولود جديد :

بقلم / نور جمال

كاميرون دياز بقت أم لتلاتة.. وهوليوود عارفة إن في نجمات بتتألق جوه البيت أكتر من الكاميرا واختارت دورها العائلى قدام اكتر فترات شهرتها و تألقها .
كاميرون دياز اللي كانت بتضحك الدنيا كلها قررت إن أحلى أدوارها هو اللي مفيش فيه سيناريو وزوجها بنجي مادن مبسوط إنه أخيرًا لقى حد يشاركه إدمانه للحياة الهادية بعيد عن الأضواء.

بعد إعلان حملها التالت بتستقبل الطفل الجديد في الاسره اخيرا..

كاميرون دياز وزوجها المغني بنجي مادن، عضو فرقة Good Charlotte، رحبوا بمولودهم الثالث، مما يجعل أسرتهم الآن مكونة من خمسة أفراد. كاميرون دياز المولودة عام ١٩٧٢ باتت أمًا في سن متأخرة نسبيًا بمقاييس هوليوود، وده بالنسبة لمتابعيها مش مفاجأة، لأنها دايمًا كانت بتعمل الحاجات على طريقتها الخاصة وفي توقيتها.
الخبر انتشر بسرعة على منصات السوشيال ميديا الأمريكية والأوروبية، وكان التعليق الأكتر تداولًا إن كاميرون دياز بقت أم لتلاتة وعمرها ٥٢ سنة، وإن ده دليل على إن الحياة مش بتتقيد بجداول زمنية. التعليقات تنوعت بين الإعجاب بقرارها وبين التساؤل عن إمكانية عودتها للتمثيل بعد إنجابها.

كاميرون دياز معروفة بغيابها الاختياري عن هوليوود منذ عام ٢٠١٤، باستثناء عودة قصيرة في فيلم “Back in Action” عام ٢٠٢٥ على نتفليكس اللي حقق مشاهدات ضخمة جدًا وثبت إن الجمهور مش نسيها. الفيلم وصل لأكتر من ٥٠ مليون مشاهدة في الأسابيع الأولى، وده رقم بيتكلم عن نفسه.

الحياه اختيارات و كاميرون اختارت حياتها..
كاميرون دياز كانت واحدة من أعلى النجمات أجرًا في هوليوود في التسعينات ومطلع الألفينات، بأفلام زي “The Mask” و”Charlie’s Angels” و”There’s Something About Mary”. قرارها الابتعاد عن التمثيل وتركيزها على حياتها الشخصية والأسرية كان موضوع نقاش واسع، وكتير من النجمات الشابات ذكرتها كمثال على إن النجاح مش لازم يتعرفش بعدد الأفلام. دلوقتي بعد المولود التالت، السؤال اللي بيسأله الكل: هل هوليوود هتستنى تاني ولا كاميرون دياز قررت إن الفصل الجديد من حياتها أهم من أي سيناريو ممكن يتكتبله؟