قرار نهائي حلم أشرف بيودّع الشاشة بـ3 حلقات بس

بقلم / رقيه محمد

مصادر قريبة من المنتجين كشفت إن مسلسل حلم أشرف (Eşref Rüya) اللي بيتعرض على Kanal D هيوقف نهائيًا، والمسلسل هيختم رحلته بـ3 حلقات أخيرة بس قبل ما يودّع جمهوره للأبد.

الكلام بيقول إن شاتاي أولوسوي مش عايز يكمل في المشروع، وفوق ده كمان نسب المشاهدة انخفضت بعد ما المسلسل المنافس Yeraltı طلع على الهواء، فالإنتاج قرر يقفل الباب بهدوء.

المنتج بوراك ساجيسار نشر بيان على السوشيال ميديا قال فيه إن الجمهور هو اللي خلى المسلسل ده مميز، وإن في قصص بتفضل في القلب مش عشان طالت.. لكن عشان لمست

البطولة بتضم شاتاي أولوسوي في دور أشرف، الراجل القوي اللي عبد لحب، وديميت أوزديمير في دور نيسان، البنت اللي خلت قلبه ينبض تاني، إلى جانب نجيب ميميلي وأحمد رفعت سنغار

المسلسل اتعمل تحت شعار “حب واحد.. عقاب واحد”، ومن إنتاج شركة TİMS&B بإشراف تيمور سافجي وبوراك ساجيسار، وتأليف إيثيم أوزيشيك، وإخراج أولوتش بيرقدار