حفرة جهنم المسلسل اللي بيتكلم عنه الكل

بقلم /رقيه محمد

المسلسل بيحكي عن جريمة واحدة بتتفرع منها خيوط كتير مليانة فساد وجريمة، الأحداث بتدور في جدة، في أحياء عشوائية كانت موجودة قبل ما يتم إزالتها سنة 2015.المحقق ماجد، اللي عنده خبرة كبيرة في التحقيق الجنائي، والمحقق علي اللي بيشتغل في مكافحة المخدرات، بيلاقوا نفسهم قدام قضية أكبر بكتير من مجرد جريمة قتل عادية.

المسلسل فيه طاقم تمثيل كبير، من بينهم: خالد يسلم، مؤيد الثقفي، خيرية أبو لبن، فاطمة البنوي، ماجد الكعبي، قصي خضر، وغيرهم. والمسلسل من إخراج أحمد أكساس.

الحلقة الأولى اسمها “المنزلة”، والأحداث بتبدأ بشكل مباشر ومثير. سنة 2017، في جدة، في حرب نفوذ بين عصابتين على شحنات مخدرات. الضابط علي بيلاقي إيد مبتورة، والقضية بتكبر وتتعقد لحد ما الضابط ماجد بينضم ليه عشان يساعده.

الحلقة التانية اسمها “الندبة”، وفيها ماجد وعلي مستمرين في التحقيق، بس الاختلاف في أسلوب شغل كل واحد فيهم بيخلق توتر بينهم. في نفس الوقت، نوار وآدم بيحاولوا يسيطروا على الأوضاع، وخالد بيختلس فلوس، وأبو فراس بيتصرف باندفاع، والأمور بتزيد تعقيداً كل ما الوقت بيعدي

و لسه باقي الحلقات بتتعرض علي منصه Mbc شاهد كل جمعه