بقلم/ منى فارس
نجم الجيل تامر حسني بيستعد يُشعل مسرح الأرينا بالقاهرة الجديدة في حفل غنائي كبير، وده في إطار حفلات “ليالي مصر” اللي بتنظمها الشركة المتحدة للخدمات الإعلامية. الحفل هيكون يوم الجمعة 29 مايو الجاري، والتذاكر متاحة دلوقتي على موقع “تذكرتي”.
بس مش ده بس، لأن تامر عنده كمان موعد تاني في المغرب، هيكون فيه ضيف شرف على حفل ختام مهرجان موازين في دورته الـ21، وده يوم 27 يونيو الجاي على منصة النهضة، وهيقدم فيه مزيج من أجمل أغانيه القديمة والجديدة.
فرنش مونتانا في الصورة
اللي زاد الحفل إثارة إن تامر كشف عن علاقته القوية بالنجم العالمي فرنش مونتانا، وإن الاتنين بيفكروا يقدموا فكرة مختلفة ومفاجأة خلال الحفل. وقال بثقة: “إن شاء الله سنقدم عرضاً يليق باسم مصر”، خاصة إن التعاون بينهم مش جديد، فهم سبق واشتغلوا مع بعض في ريميكس لأغنيتي “Enta Elly” و”Unforgettable”.
وعن الزواج.. ماعندوش تعليق!
لما اتسألوه عن إمكانية زواجه تاني، تامر ابتسم وقال ببساطة: “أنا أكره الأسئلة الشخصية”، ومازح الحضور من غير ما يدي إجابة واضحة. يعني الباب لا مفتوح ولا مغلوق!
