أندر إيدج المسلسل اللي بينتظره جيل Z على شاهد

بقلم /رقيه محمد

بعد تأجيل طال انتظاره، مسلسل “أندر إيدج” رجع تاني وبيتعرض قريبًا على منصة شاهد. المسلسل ده من أكتر الأعمال الشبابية اللي الناس كانت مستنياها، وبيتكلم بشكل مباشر مع جيل Z.

المسلسل فيه نخبة من الوجوه الشابة زي جيسيكا حسام الدين، عمرو وهبة، ريم المصري، جيدا منصور، جودي مسعود، وغيرهم كتير. تنوع في الشخصيات هيخلي كل واحد يلاقي نفسه في حد منهم.

الأحداث بتبدأ باختفاء طالبة في مدرسة ثانوية للبنات، وده بيكشف أسرار وخبايا كانت مدفونة جوا المدرسة. طالبة بتلاقي نفسها في مواجهة سلسلة من الأكاذيب عشان تعرف الحقيقة.

المسلسل مش بس حبكة مثيرة، ده كمان بيتكلم عن قضايا حقيقية زي الضغط النفسي، العلاقات الأسرية المعقدة، وتأثير السوشيال ميديا على حياتنا اليومية. يعني هتحس إن الكلام ده عنك فعلاً.

المسلسل تأليف أمين جمال، سيناريو وحوار مينا بباوي ومحمد السوري، وإخراج يحيى إسماعيل. فريق شغله واضح إنه فاهم جيل الشباب وعارف يتكلم بلغتهم.