بقلم / مني فارس
لورا ديرن تدخل عالم White Lotus من الباب الكبيرانضمت النجمة الأمريكية لورا ديرن رسميًا إلى طاقم الموسم الرابع من المسلسل الشهير The White Lotus، وذلك في خطوة غير متوقعة جاءت بعد إعلان شبكة HBO مغادرة الممثلة البريطانيه هيلينا بونهام كارتر للمشروع.
ليه بونهام كارتر مشيت؟
الشبكة أصدرت بيانًا رسميًا وضّحت فيه إن الشخصية اللي كتبها المبدع مايك وايت مكنتش مناسبة لبونهام كارتر في مرحلة التصوير الفعلية، فقرروا يعيدوا كتابة الدور من الأساس ويدوروا على وجه تاني يأدي الشخصية الجديدة. وأكد البيان إن الشبكة وفريق الإنتاج عندهم كامل التقدير لمسيرتها، وإن الباب مفتوح للتعاون معاها في المستقبل.
إيه اللي هتقدمه ديرن؟
بحسب تقرير موقع Deadline، فإن ديرن مش هتأدي نفس الشخصية القديمة، لكن تم تصميم شخصية جديدة خصيصًا ليها، مع الحفاظ على نفس الثقل الدرامي داخل أحداث الموسم. والشخصية دي متوقع يكون ليها دور محوري في القصة، اللي بتدور أحداثها هالمرة في فرنسا.
والجدير بالذكر إن ديرن مش غريبة على عالم المسلسل تمامًا، إذ سبق وأدّت دور صوتي في الموسم الثاني كشخصية آبي، زوجة دومينيك جراسو.
