بقلم/ نور جمال
خالد أبو النجا بيرجع.. بس مش ممثل!الغايب اتكلم والكلام ألبوم موسيقي!مين فينا ما اتسألش “خالد أبو النجا فين؟” الراجل اللي كان واحد من أكتر الوجوه الفنية عمقًا وكاريزما في السينما المصرية، صاحب أفلام زي “ميكروفون” و”في شقة مصر الجديدة” و”فيلا 69″. فجأة اختفى، وكأن الأرض ابتلعته.
الحكاية مش سرية خالص خالد أبو النجا كان من أوائل الفنانين اللي نزلوا ثورة يناير 2011، وبعدين في 2019 حضر مع الفنان عمرو واكد جلسة استماع في الكونغرس الأمريكي بخصوص التعديلات الدستورية. القرار ده كلّفه غالي نقابة الممثلين أصدرت بيانًا هاجمته، وبعدها واجه تضييقات أمنية اضطرته للسفر للخارج والاختفاء من المشهد الفني المصري بالكامل
سنين وهو بعيد عن الكاميرات، عن التصريحات، عن حتى السوشيال ميديا. لما ظهر مرة من فترة بصورة وشعره طويل لحد الكتفين وبوجه أنحف، الجمهور انصدم وكتبوا تعليقات “هو كويس؟” أكتر من “أهلًا بيه”
المفاجأة الأكبر. خالد أبو النجا يطل على صفحته الرسمية معلنًا إن ألبوم موسيقي كامل جاي قريبًا على كل المنصات، مع أغاني جديدة. مش فيلم، مش مسلسل ولا حتى تتر ألبوم! كامل بكلامات قليله أعلن على صفحته الراجل الممثل بيتحول لموسيقيّ، أو بالأصح بيكشف عن جزء منه مكناش شايفينه يا ترى دى محطه جديده من حياته و مسيرته الفنيه ولا مجرد محاوله للظهور .
