بقلم/منى فارس
ممثل ناجح في نوع معين من السهل جداً إنه يفضل يكرر نفسه..الجمهور بيحبه، والمنتجون بيطلبوه، والمشوار آمن.
بس حسن الرداد قرر يعمل العكس بالظبط.
“طه الغريب”.. الرهان الجديد
الرداد بيطل علينا بوش جديد خالص في فيلمه “طه الغريب”، فيلم رومانسي مبني على رواية للكاتب محمد صادق، اللي حققت مبيعات ضخمة، والفيلم من بطولة تارا عماد وخالد الصاوي وتامر هشام، وإنتاج حمد السبكي، وإخراج عثمان أبو لبن.
ليه الرومانسي بالذات؟
الرداد قال بصراحة إن نجاحه في الكوميديا هو اللي خلاه يحس إنه لازم يتغير، لأن الممثل اللي بيكرر نفسه ممثل محدود في نظره.
وبيشوف إن خريج المعهد العالي للفنون المسرحية لازم يكون عنده تنوع حقيقي، مش بس نوع واحد بيبرع فيه.
إمتى هنشوفه؟
الفيلم لسه بيخلص مراحل الجرافيكس والمونتاج، وهيتحدد موعد عرضه في السينمات قريباً.
