بقلم / نور جمال
جت مهرجان كان وفي إيدها كل حاجة إلا خاتم الجواز الخطوبة تمت، الفستان الأبيض اتلبس في ميت غالا، والزفاف مؤجل لما ينتهي كأس العالم ٢٠٢٦.
جورجينا رودريغيز وصلت كان بمفاجأة لوكية كاملة شعر بلاتيني طويل، قميص حريري أزرق مع بودي دانتيل أسود، وتشوكر مرصع بالألماس. اللوك ده جا بعد إطلالة ميت غالا الجريئة اللي ظهرت فيها بفستان زفاف شفاف من الدانتيل كأنها بتتمرن على الزفاف اللي بيتأجل.
الثنائي أعلن خطوبته في أغسطس الماضي، والزفاف متوقع الصيف ده بعد انتهاء كأس العالم ٢٠٢٦.
مش بس كده، جورجينا بقت في ٢٠٢٦ ظاهرة رقمية يتابعها أكتر من ٦٠ مليون شخص على إنستغرام، بعدما تحولت من مساعدة مبيعات في محل غوتشي في مدريد، لواحدة من أكتر الوجوه تأثيراً في الموضة الدولية. وعلى صعيد القانون، كسبت مؤخراً قضية تشهير ضد قناة تيليمدريد الإسبانية اللي نشرت صور قديمة لها وانتهكت خصوصيتها، وحصلت هي وشقيقتها على تعويض ١٣٠ ألف يورو يعني حتى لما الناس بتحاول تعمل فيها حاجة، بتطلع منها بفلوس.
