بيلي آيليش بتنزّل فيلمها الجديد في السينمات النهارده

بقلم / رقيه محمد

النهارده بيلي آيليش بتطلق فيلمها الجديد “Hit Me Hard and Soft – The Tour Live in 3D” في السينمات حول العالم، وده بعد ما جولتها حققت نجاح هائل وناس كتير كانت نفسها تشوف التجربة دي.

أمبارح كان في عرض خاص في لوس أنجلوس، وكانت بيلي موجودة مع عيلتها وكتير من النجوم وصنّاع الفيلم، والجو كان خرافي!

أكتر حاجة لفتت النظر إن بيلي طلعت مع نات وولف على السجادة الحمراء، وده أول ظهور علني رسمي ليهم مع بعض، وطبعًا النت اتجنن

المخرج الأسطورة جايمس كاميرون مش بس حضر، ده هو اللي أخرج الفيلم وكان هو المبادر من الأصل، اتواصل مع أم بيلي وقالها إنه عايز يحوّل الجولة لتجربة سينمائية مختلفة خالص.

الفيلم مصوّر بتقنية 3D ويحسّسك إنك جوّا الحفلة فعلًا، وفيه كواليس ولقطات حصرية. يعني سواء معكش فرصة تحضر الجولة أو عايز تعيشها تاني، ده وقتك

الأسبوع الجاي بيلي بتطلق تجربة تفاعلية على Roblox احتفالًا بالفيلم، وده بيوضّح إن الترفيه بقى مش بس سينما أو حفلات، الجيل الجديد بيعيش الموسيقى بطريقة مختلفة خالص