بقلم/بسنت اشرف
أعلنت منصة يانجو بلاي عن عرض فيلم” عصابة الماكس” يوم ٧ مايو على صفحتها الرسمية على إنستجرام،
الفيلم فيه مجموعة كبيرة من نجوم الكوميديا والأكشن في تجربة سينمائية مختلفة.
قصة الفيلم
قصة فيلم عصابة الماكس عن شخصية الماكس، الذي اتعود طول حياته على أنه ينفذ عمليات السرقة والتهريب لوحده من غير ما يحتاج لحد يساعده، لكن الأمور بتتغير فجاة لما بيلاقي نفسه اتورط في عملية كبيرة فوق قدرته ، فبيضطر لأول مرة أنه يستعين بمجموعة من الأشخاص علشان يساعدوه. لكن المفاجأة إن اللى اختارهم بدلاً ما يحللوه مشكلته بيورطوه في مشاكل أكبر تهدد نجاح العملية كلها، في احداث كوميدية مليئة بالأكشن والمواقف المتقلبة.
ابطال الفيلم
أبطال فيلم عصابة الماكس يتصدر بطولة فيلم عصابة الماكس نخبة من أبرز نجوم السينما المصرية، أحمد فهمي في دور الماكس، وروبي في دور جيجي، ولبلبة في دور نجوى، وأوس أوس في دور نفاسين، ومحمد لطفي في دور الهيلاماني، وحاتم صلاح في دور البارون، بالإضافة إلى أحمد فهيم ومصطفى بسيوط.
و يضم الفيلم مجموعة من ضيوف الشرف أبرزهم أحمد السقا وهشام ماجد.
وفيلم عصابة الماكس من تأليف أمجد الشرقاوي وفادي أبو السعود، وإخراج حسام سليمان في أولى تجاربه الإخراجية، وإنتاج هشام عبد الخالق وعمرو كمال.
فى النهاية منصة بانجو بلاي بتحاول أنها توفر الافلام لأغلب الناس اللى مشفتهاش .
وكمان بتثبت يوم بعد يوم إنها بتفهم جمهورها كويس، وبتسعى دايماً إنها توصّل أحدث وأقوى أفلام السينما للناس في بيوتهم من غير ما يتعبوا. عرض فيلم عصابة الماكس على المنصة بعد نجاحه الكبير في موسم عيد الأضحى ٢٠٢٤ هو دليل واضح على إن يانجو بلاي مش بس منصة للمحتوى، هي بوابة للتجارب السينمائية الحقيقية. فلو فاتك الفيلم في السينما أو عايز تعيش التجربة تاني، يانجو بلاي بتوفرهالك بضغطة زرار.
