بقلم/ نور جمال
بيومي فؤاد في “نفق التحريات“: المحكمة عايزة تعرف فلوسه فين٤ قضايا، جلسة واحدة، وسؤال واحد: بيومي غني ولا مش قادر؟النشاط المكثف على السوشيال ميديا، الظهورات المتكررة، التريندات المتلاحقة كل ده ما منعش محكمة أسرة قصر النيل إنها تسأل السؤال اللي الجمهور نفسه بيسأله: بيومي فؤاد دخله الحقيقي قد إيه؟
التفاصيل كلها:بيومي فؤاد واجه ٤ دعاوى مقامة من طليقته أمام محكمة أسرة قصر النيل، تحمل أرقام 179 و180 و181 و182 لسنة 2026 .
القضايا بتتعلق بنفقة المدرسة والمسكن والحضانة للطفل، بعد ما أكدت طليقته إنها حصلت على حكم بالولاية التعليمية، وإنها تحملت وحدها كل المصروفات خلال الفترة الماضية. اللي خلى الأمر يتعقد إن بيومي فؤاد نفسه أكد لطليقته عدم قدرته على سداد الالتزامات المطلوبة، وده هو اللي دفعها في النهاية للجوء للقضاء بدل التسوية الودية.
المحكمة من جهتها قررت إحالة القضايا للتحقيق لتحديد حجم الممتلكات والدخل الحقيقي للفنان، وتأجلت الجلسة لـ٢٤ مايو.ليه التريند اشتعل؟لأن السؤال بقى موجود في دماغ الجمهور: راجل شايف نفسه في كل حتة على الإنترنت، بيعمل محتوى وبيطلع في برامج وبيقول للمحكمة “مش قادر أدفع”؟ ده مش مجرد خبر أسري، ده معادلة بتتحدى المنطق بشكل علني. ومن المقرر نظر قضايا أخرى أمام محكمة الأسرة خلال أول يونيو المقبل، يعني الملف مش هيقفل قريب.
