छत्रपती संभाजीनगर रेल्वे स्थानकावरून 'कुंभमेळा विशेष रेल्वे' सुटणार

रविवार दिनांक १९ फेब्रुवारी रोजी छत्रपती संभाजीनगर रेल्वे स्थानकावरून कुंभमेळा विशेष रेल्वे निघणार आहे. कुंभमेळ्यात सहभागी होणाऱ्यांसाठी दक्षिण मध्य रेल्वेकडून १९ फेब्रुवारी रोजी विशेष रेल्वे सोडण्यात येणार आहे.

छत्रपती संभाजीनगर-पटणा ही विशेष रेल्वे १९ ते २५ फेब्रुवारी रोजी संध्याकाळी ७:०० वाजता छत्रपती संभाजीनगर येथे रेल्वे स्थानका वरून सुटणार आहे. हि रेल्वे या मार्गाने जाणार आहे .जालना, सेलू, परभणी, पूर्णा, वसमत, हिंगोली, वाशिम, अकोला, मलकापूर, खंडवा, इटारसी, पिपरिया, नरसिंहपूर, प्रयागराज छिवकी, पंडित दीनदयाळ उपाध्याय जंक्शन, बक्सर, आरा, दानापूरमार्गे पटणा येथे तिसऱ्या दिवशी सकाळी १०:३० वाजता पोहोचेल.

परतीसाठी पटणा ते छत्रपती संभाजीनगर विशेष रेल्वे पटणा येथून २१ आणि २७ फेब्रुवारी रोजी दुपारी ३:३० वाजता सुटेल आणि आलेल्या मार्गानेच छत्रपती संभाजीनगर येथे पोहोचेल.