بقلم/منى فارس
قالها عام 2021 — ودلوقتي هو نفسه بيضحك منها.
توم هولاند عاد للحديث عن تصريحه الشهير اللي قاله منذ سنوات: “لو لسه بألعب سبايدر مان بعد الـ30 يبقى عملت حاجة غلط.” المشكلة إنه بلغ الـ30 فعلاً — وبيستعد لطرح فيلم جديد Spider-Man: Brand New Day يوم 31 يوليو المقبل.
قال ايه دلوقتي؟
في مقابلة جديدة ضمن ملف فيلم “The Odyssey”، هولاند قال إنه فوجئ بعودة التصريح للانتشار مؤخراً: “من المضحك أنني رأيت هذا الاقتباس ينتشر مجددًا، وحاولت أن أتذكر ما الذي كنت أقصده وقتها.”
وأضاف: “الفكرة كانت إني عايز أسلم الراية لحد تاني يوما ما — لكنني لم أصل لهذه المرحلة بعد. ربما أحتاج الآن لتغيير الرقم من 30 إلى 37.”
الحقيقة الكاملة.. وراء التصريح
هولاند ما استبعدش إن التصريح ده كان جزء من استراتيجية تفاوضية مع Sony Pictures: “كنت أحاول إخافة سوني وإقناعهم إنني مش هشارك في Spider-Man 4 — خصوصاً إني كنت على أعتاب اتفاق جديد. ربما كان جزءاً من خطة لخلق حالة من القلق.”
اللحظة الأشهر مع ديزني
التقرير أعاد التذكير بأزمة 2019 بين Disney وSony حين تواصل هولاند شخصياً مع Bob Iger رئيس ديزني في مكالمة هاتفية — وبكى خلالها. إيجر قال: “كان واضحاً إنه يهتم جداً. قلت لهم: علينا أن نجد طريقة لإنجاز هذا من أجل توم ومن أجل الجمهور.”
توم هولاند بلغ الـ30 وسبايدر مان لسه مستمر — والجملة اللي قالها اتحولت من تهديد لنكتة.
