بقلم / رقيه محمد
إيه اللي نزل؟
أوليفيا رودريغو أطلقت أغنيتها الجديدة “The Cure” وصحبتها بكليب سينمائي تقيل وحفل خاص عشان تحتفل بالعمل الجديد. الأغنية شغل إيدها مع المنتج الدائم إلها دان نيغرو، وكالعادة الإحساس فيها عاطفي ودرامي من الآخر.
الكليب قصة مستشفى من الستينات
الكليب اتخرج على إيد كات سولين وجيمي غيرين، وظهرت فيه أوليفيا بدور ممرضة في مستشفى بطابع زمان خمسينات وستينات. بتحاول تعالج المرضى وتشفي القلوب.. لكن النهاية مفاجأة! تلاقيها هي اللي بقت مريضة جوه نفس المستشفى. المشهد ده اتكلم عنه الناس كتير على السوشال ميديا.
ظهور مفاجئ على الراديو
,فاجأت أوليفيا الجمهور بظهور خاص على NTS Radio، وشاركت فيه أغانيها المفضلة من فنانين زي Nick Cave وPJ Harvey وElliott Smith.. وفي آخر الحلقة عزمت المستمعين على أول بث لـ”The Cure”.
ألبوم جديد في الطريق
في يوم 12 يونيو هيتطلع ألبومها الجديد اللي اسمه “You Seem Pretty Sad for a Girl So in Love”. الألبوم مسبقاً لفت نظر الكل بسبب أغنية “Drop Dead” اللي اتصور كليبها جوه قصر فرساي بإخراج Petra Collins.
جولة عالمية تبدأ سبتمبر
أوليفيا هتنطلق في جولتها العالمية “Unraveled Tour” من سبتمبر لحد مايو الجاي، ومعاها فنانين من زي Grace Ives وWolf Alice. الجولة دي بتثبت إن مش في حاجة اسمها وقفة قريباً
