بقلم/ منى فارس
في كل مرة بتظهر فيها أسماء جلال على الشاشة، بتحس إن في حاجة مختلفة.. مش بس أداء كويس، لأ.. في حضور بيخترق الشاشة ويوصلك بشكل مباشر. وده مش كلام، ده اللي خلّى ناس كتير تتابعها من أول دور وتفضل متابعاها.
من “الأب الروحي” ل “الغرفة 207”
رحلة مش عاديةسنة 2017، المخرج بيتر ميمي شايف فيها حاجة، فاختارها في “الأب الروحي” وسط نجوم كبار. كتير ممكن يتوهوا في اللحظة دي، هي لأ، لفتت نظر الكل بأداء طبيعي ومن غير افتعال.
من هناك، ما وقفتش، جربت الكوميديا، جربت الدراما الاجتماعية، وبعدين فاجأت الكل بـ “الغرفة 207″، الدور اللي كسر كل التوقعات وأثبت إنها مش خايفة من المجهول الفني
السر؟ إنها ماتكررتش
الفنانة اللي بتكرر نفسها بتبقى آمنة.. لكن أسماء اختارت دايماً الخطر الجميل، كل دور جديد بيكون اكتشاف حتى ليها هي. وده بالظبط اللي بيخلي جمهورها يكبر مع كل عمل.
كل سنة وأسماء جلال بألف خير نجمة لسه في الأول، والأحسن جاي.
