بقلم/ نور جمال
فيلم برشامه اتعرض في عيد الفطر وعمل أكتر من ٢٠٠ مليون جنيه، ودلوقتي رايح يتعرض في عيد الأضحى على المنصات يعني دورتين في موسم واحد.
القصة بتدور داخل لجنة امتحان ثانوي، لما المشرف بيتوفى أثناء الامتحان، والطلاب بيحاولوا يخبوا الأمر على أمل الغش، والمشكلة الوحيدة إن محدش منهم عارف الإجابات. ده مش فيلم عن التعليم، ده فيلم عن الفوضى أنقى صورها.
البطولة لهشام ماجد وباسم سمرة وريهام عبد الغفور ومصطفى غريب وحاتم صلاح وكمال أبو رية، وده تعاونهم التالت مع آل دياب بعد موسمين ناجحين من مسلسل “أشغال شقة” في رمضان ٢٠٢٤ و٢٠٢٥، لدرجة إن الجمهور لسه بيطالب بموسم تالت.
الفيلم تجاوز ٢٠٠ مليون جنيه في مصر لوحدها، غير السعودية والإمارات، وتصدر شباك التذاكر لفترة طويلة. ودلوقتي هيتعرض حصرياً في عيد الأضحى على منصتي يانغو بلاي وSTC TV. الفريق نفسه اللي نجح في الدراما، نجح في السينما والجمهور عارف يبقى وفي.
