البراءة جات بس الحرية لسه بعيدة

بقلم / رقيه محمد

محكمة جنايات بيروت حكمت اليوم الأربعاء ببراءة المطرب فضل شاكر والشيخ أحمد الأسير في قضية محاولة قتل هلال حمود، وده أول حكم براءة لشاكر من القضاء المدني بعد 13 سنة على أحداث عبرا 2013.

المشكلة إن الموضوع مش بسيط زي ما بيبان، فضل شاكر عنده لسه 4 ملفات عالقة في المحكمة العسكرية اللبنانية، وده معناه إنه مش هيخرج من السجن بس بسبب الحكم ده.

محامية فضل شاكر قدمت 4 طلبات لإخلاء سبيله قبل كده، والمحكمة العسكرية رفضتهم كلهم من غير استثناء، وهو لسه قاعد موقوف لحد دلوقتي.

في جلسة متوقعة للمحكمة العسكرية الشهر ده، ممكن تقبل طلب إخلاء السبيل أو ترفضه تاني، وده هيحدد إذا كان فضل شاكر هيقعد في السجن أكتر أو لأ.

اللي بيعقد الأمور أكتر إن في حكم غيابي صدر عليه سنة 2020 بالسجن 22 سنة، وده بيخلي وضعه القانوني معقد جداً ومفيش حاجة مضمون

محمد فضل شاكر كتب على انستقرام على طول: “الحمدلله رب العالمين! صدر حكم براءة والدي فضل شاكر بأول ملف، نحنا على ثقة تامة بالقضاء اللبناني بعهده الجديد، الفرج قريب بإذن الله”.

في المقابل، المحكمة ما اكتفتش بالبراءة بس، وأدانت كل من فادي بيروتي وبلال الحلبي وهادي القواس، لكن اكتفت بمدة توقيفهم وألزمتهم بتسليم الأسلحة.