بقلم/ منى فارس
ظهرت النجمة أنجلينا جولي جنب بنتها زاهارا جولي بيت في فعالية جامعية بمدينة أتلانتا، نظمتها رابطة Alpha Kappa Alpha مع مؤسسة Pearls of Purpose، والحدث كان بيتكلم أساسًا عن العلاقة بين الأمهات وبناتهن.
اللحظة اللي لفتت الأنظار
جولي ظهرت بفستان كريمي وألقت كلمة عن أهمية الرابطة بين الأم وابنتها، لكن اللي سرق الأضواء فعلًا كان كلام زاهارا، طالبة جامعة سبلمان، اللي وقفت قدام الجمهور وقالت عن أمها إنها امرأة محبة وغير أنانية وداعمة”، وختمت كلامها بجملة وقعت في قلب الكل:
“أنا امرأة قوية لأن امرأة قوية ربّتني”
السوشيال ميديا حولت الموضوع لحاجة تانية خالص
رغم إن الفعالية كانت إنسانية من أولها لآخرها، إلا إن النقاش على الإنترنت راح في اتجاه تاني تمامًا، وبدأ الناس يتكلموا عن مظهر أنجلينا جولي، وانقسموا بين ناس شايفين إن شكلها اتغير، وناس تانية بيرجعوا الأمر للإضاءة أو جودة الفيديو.
مش المرة الأولى اللي بتتعرض فيها جولي لنفس النوع ده من التعليقات، وهي سبق وأكدت إنها لم تخضع لأي عمليات تجميل مع احترامها التام لخيارات الآخرين.
في النهاية، الحدث كان مثالًا واضحًا على إزاي السوشيال ميديا ممكن تاخد لحظة إنسانية جميلة وتحولها لنقاش في حاجة تانية خالص.
