نادين نجيم ترجع بقوة في “ممكن”

بقلم / رقيه محمد

نادين نسيب نجيم اتكلمت وقالت إن مسلسلها الجديد “ممكن” عمل جريء، وإنها متحمسة له جداً و أنها مستنيه عرضه زي ما الجمهور مستنيه.

لسببين السبب الأول إنها حاسة باشتياق الجمهور ليها وتفاعلهم مع عودتها. والسبب التاني إنها هي نفسها عاجبها العمل. وقالت بصراحة: “العمل كثير حلو واشتقت، بالنهاية أنا بحب مهنتي كثير، بس صرت أكثر سلكتيف.”

ناس كتير تساءلت إيه اللي خلى المسلسل يتأجل عن الموسم الرمضاني. نادين فضّلت ماتدخلش في التفاصيل وقالت: “خلّي المحطة أو شركة الإنتاج هي اللي توضح، أنا لست مخوّلة بالحديث عن هذه التفاصيل.”

نادين عارفة إن الجمهور مستنيها وقالت: “اللي بيحب نادين رح يتابعها، سواء برات رمضان أو جواه… كل السنة فيك تحضر اللي بدك إياه

حصرياً “ممكن” هيعرض في 31 مايو على MBC شاهد، وبيشارك نادين في البطولة الممثل ظافر العابدين.

شركة الإنتاج “الصباح” كانت أعلنت إن المسلسل اتأجل عشان يقدموا “عمل درامي متكامل يلبي تطلعات الجمهور.” ونادين نفسها كتبت على إكس إنها متأسفة جداً إنها مش هتكون موجودة في رمضان، لكن وعدت الجمهور بعمل “كامل متكامل وممتع.”