بيلي إيليش تصدّرت غلاف مجلة Elle الشهيرة، وخلال الحوار فاجأت الجميع باعترافها إن نانسي عجرم واحدة من مغنياتها المفضلين، وإن الموسيقى العربية بتأثر فيها من سنين.قالت بيلي بالنص: “لطالما كنتُ متأثرة بالمغنيات العربيات.. أنا ووالدي نرتبط بحبنا للموسيقى العربية. أحب نانسي عجرم كثيراً، هي واحدة من مغنياتي المفضلات.”نانسي ردّت على التصريح ونشرته على حسابها على X وكتبت: “موهبتها وصدقها يلهمان الكثيرين حول العالم، ومنهم أنا. أرسل لها الكثير من الحب دائماً.”
القصة بدأت من ميم
اللي بيخلي الموضوع ده أكتر طرافة وتشويق إن أول لقاء لبيلي إيليش بموسيقى نانسي كانش في حفلة أو فيلم، لأ كان عن طريق ميم انتشر على الإنترنت! إيه ده! نعم، اتعرفت على أغنية “إنت إيه” الأول من خلال ميم اتداول على السوشيال ميديا، بس بدل ما تعدي عليه وتكمل سكرولتها، قررت تبحث عن الأغنية دي وتسمعها صح، ومن اللحظة دي وقعت في حب الموسيقى العربية بشكل كامل!
وفي بودكاست Me & Dad Radio سنة 2020، كشفت بيلي إن في أغنيتين بالتحديد بتلجألهم لما بتبقى محتاجة ترفع مزاجها وتحس بطاقة جديدة، وهما “إنت إيه” و”في حاجات” لنانسي عجرم. ووصفت الموسيقى العربية بجملة جميلة جداً قالت: “تشبه الشوكولاتة الذائبة في أذني.” يعني محدش قدر يوصف الموسيقى العربية بالطريقة دي غيرها
مش المرة الأولى
اللي لازم تعرفوه إن الحوار ده في Elle مش أول مرة بيتكلم فيها عن نانسي، ده في حقيقته تأكيد على علاقة فنية متجذرة من سنين! بيلي بتكرر إعجابها بنانسي في أكتر من مناسبة ومنصة، وده بيوضح إن الأمر مش مجرد كلام مجاملة أو تصريح عابر، لأ ده حب موسيقي حقيقي لفنانة عربية وصل صوتها لقلب واحدة من أكبر نجمات الجيل الحالي في العالم كله.الموضوع ده بيثبت إن الموسيقى العربية والصوت المصري تحديداً قادرين يعدوا كل الحدود والحواجز ويوصلوا لأي حد في أي مكان في الدنيا، حتى لو الطريق كان عن طريق ميم على تيك توك
