بقلم / نور جمال
حسين فهمي اتكرم.. وده مش مجاملة، ده دين كان واجب في ناس بتاخد جوائز عشان الموسم، وفي ناس بتاخد جوائز عشان المسيرة حسين فهمي مش محتاج جايزة تثبت إنه كبير، لكن الجايزة محتاجة حسين فهمى
تفاصيل التكريم واهم أعماله الفنيه :
مركز السينما العربية كرّم الفنان حسين فهمي بجائزة “شخصية العام السينمائية العربية”، وده تكريم بيجي في سياق اعتراف رسمي بمسيرة امتدت لأكتر من ٥٠ سنة في السينما المصرية حسين
فهمي مش مجرد ممثل، هو واحد من أيقونات الشاشة المصريه اللي قدموا الرجل المصري الأنيق، المثقف، والمحترم في وقت كانت السينما محتاجة النموذج ده.مركز السينما العربية من المراكز الأكتر مصداقية في تقييم الصناعة السينمائية في المنطقة، وجوايزه بتتابعها الصحافة الفنية الدولية المتخصصة في السينما العربية.التكريم
ده وصل لجمهور واسع على منصات السوشيال ميديا، وخصوصًا في لبنان وسوريا والخليج اللي بيعتبر جمهورها حسين فهمي جزء من ذاكرتهم السينمائية عن مصر .اللافت إن التعليقات على الخبر جاءت من أجيال مختلفة، الجيل الكبير اللي شافه في “شياطين الليل” و”معبودة الجماهير” والجيل الأصغر اللي عرفه من خلال مهرجان القاهرة السينمائي ودوره في دعم السينما المصرية إداريًا ومعنويًا.
حسين فهمي ترأس مهرجان القاهرة السينمائي الدولي لفترات متعددة، وكان واحدًا من أبرز الوجوه اللي ساعدت في رفع مكانة المهرجان إقليميًا ودوليًا. في وقت كانت السينما المصرية بتحاول تثبت نفسها على الخريطة الدولية، كان حسين فهمي بيمثلها باحترافية وحضور لافت. التكريم ده مش بس للممثل، ده للسفير غير الرسمي للسينما المصرية على مدى نص قرن.
