بقلم/ نور جمال
أحمد حلمي”أضعف خلقه” خلص.. وأحمد حلمي جاهز يخلينا نعيط من الضحك تاني أحمد حلمي أعلن إنه خلّص تصوير فيلمه الجديد “أضعف خلقه”، والجمهور على السوشيال ميديا قرر يحتفل قبل ما يعرف حتى القصة إيه.
لان في ناس في الدنيا بتطلع نجوم وفي ناس بتطلع أحمد حلمي، والفرق مش في الموهبة، الفرق إن أحمد حلمي لما بيضحك الناس، بيضحكوا ومعاهم دموع مش عارفين هي فرحة ولا فيه قرب غريب بينه و بين الجمهور .
“أضعف خلقه” انتهى من مرحلة التصوير رسميًا، و الجمهور اتفاجئ بوجود هند صبرى لاول مره مع احمد حلمى في ثنائيه استثنائيه وده بيعني إن الفيلم دخل مرحلة المونتاج والتشطيب قبل طرحه. التفاصيل الكاملة عن القصة أو تاريخ العرض لسه مش معلنة بشكل رسمي، بس الاسم لوحده كان كفيل إنه يعمل ضجة. “أضعف خلقه” جملة بتوصف أشد حالات الضعف الإنساني، وده بيخلي الجمهور يتساءل: هل الفيلم هيتناول حاجة اجتماعية عميقة؟ ولا هو مجرد اسم بيلعب على الخلفيه ما أحمد حلمي شاطر يعمل؟
ردود الأفعال على السوشيال ميديا كانت فورية، الهاشتاق اتداول في مصر والسعودية والإمارات والكويت، والجمهور العربي اللي طال انتظاره من آخر أعمال حلمي بدأ يعمل تعليقات من نوع “أخيرًا” و”ربنا يكون في عون من هيتفرج”، بالمعنى الإيجابي طبعًا.أحمد حلمي من الأسماء النادرة في السينما المصرية اللي عندها جمهور بيتوارثها جيل بعد جيل، الأب اللي اتربى على “زكي شان” و”آسف على الإزعاج” بيحكيلهم لولاده عنه، والولاد دول دلوقتي بيستنوا الفيلم الجديد. ده مش مجرد نجاح، ده ظاهرة.السياقآخر
اخر أفلام أحمد حلمي كانت “ريجاتا” عام 2015، وبعدها جاء “عن الآباء والأبناء” كمنتج، لكنه ابتعد عن البطولة المطلقة لسنوات. الغياب ده خلى الجمهور يحن أكتر، وأي خبر عنه بيتحول لحدث. في سياق السينما المصرية اللي شايفة موجة أفلام أكشن وكوميديا خفيفة، عودة حلمي بأسلوبه الخاص ممكن تكون النفس الجديد اللي المشهد محتاجه.
