بقلم / منى فارس
الفنان أحمد سعد فاجأ الجمهور النهارده ببيان رسمي أعلن فيه انفصاله عن زوجته علياء بسيوني، وكشف إن الموضوع مش جديد، ده المرة التالتة خلال تلات شهور بس!
وكتب على إنستجرام بشكل صريح إنه بدأ إجراءات الطلاق رسمياً، وإن علياء بقت من غير أي صلاحية على إدارة أعماله، مشيراً إن في إدارة جديدة هتتعلن قريباً.
اللافت للنظر إن العلاقة دي كانت مش بس زوجية، علياء كانت المديرة اللي وقّعت معاه نجاحاته الكبيرة، وحتى العام اللي فات كسبت جائزة أفضل مديرة أعمال في حفل MEMA، وأهدتها لجوزها وقالت إنه شريك نجاحها الأول.
وهو من جهته كان بيمدحها على السوشيال ميديا وكتب إنه بيديها جائزة “أحسن وأجدع زوجة وأم”.بس يبدو إن الأمور اتغيرت بسرعة، والستار أُسدل على واحدة من أقوى الشراكات الفنية والزوجية في الوسط الفني.
